പട്ടാമ്പി: പള്ളിപ്പുറം ഇസ്‌ലാമിക് യൂത്ത് ഫ്രണ്ട് സംഘടിപ്പിക്കുന്ന മതപ്രഭാഷണവും മജ്‌ലിസുന്നൂര്‍ വാര്‍ഷികവും നാളെ മുതല്‍ നടക്കും. സയ്യിദ് ഉമറലി ശിഹാബ് തങ്ങള്‍ നഗറില്‍ നടക്കുന്ന പരിപാടിയുടെ ഉദ്ഘാടനം സയ്യിദ് ഹാഷിറലി ശിഹാബ് തങ്ങള്‍ നിര്‍വഹിക്കും. ആത്മ സംസ്‌കരണം എന്ന വിഷയത്തില്‍ ഹാഫിള് അബു ശമ്മാസ് മൗലവി ഈരാറ്റുപേട്ട പ്രഭാഷണം നടത്തും. തിങ്കളാഴ്ച നടക്കുന്ന പ്രഭാഷണത്തിന് ഷമീര്‍ ദാരിമി കൊല്ലം നേതൃത്വം നല്‍കും. സമാപനദിവസമായ ചൊവ്വാഴ്ച നടക്കുന്ന ചടങ്ങില്‍ സയ്യിദ് പി.കെ ഇമ്പിച്ചികോയ തങ്ങള്‍ മജ്‌ലിസുന്നൂര്‍ ദുആ സമ്മേളനത്തിന് നേതൃത്വം നല്‍കും. സ്വാലിഹ് അന്‍വരി ചേകനൂര്‍ മുഖ്യപ്രഭാഷണം നടത്തും.