വളാഞ്ചേരി: സംസ്ഥാന വാഫി സ്‌പോര്‍ട്‌സ് മീറ്റ് 22ന് കാലിക്കറ്റ് യൂനിവേഴ്‌സിറ്റി സ്റ്റേഡിയത്തില്‍ നടക്കും. ബാഡ്മിന്റണ്‍, 100മീറ്റര്‍ ഓട്ടം, ട്രിപ്പിള്‍ ജംപ്, ഹൈജംപ്, ഷോട്പുട്ട്, വടംവലി, തുടങ്ങി ഗെയിംസ്, അത്‌ലറ്റിക്‌സ് വിഭാഗങ്ങളിലെ നാല്‍പതോളം ഇനങ്ങളിലായി കോഡിനേഷന്‍ ഓഫ് ഇസ്‌ലാമിക് കോളജസിന്റെ കീഴിലുള്ള 43 അഫിലിയേറ്റഡ് സ്ഥാപനങ്ങളിലെ ആയിരത്തോളം മത്സരാര്‍ഥികള്‍ മാറ്റുരക്കും.
വാഫി സ്റ്റുഡന്റ്‌സ് ഫെഡറേഷനാണ് കായിക മേള സംഘടിപ്പിക്കുന്നത്. കോളജുതല മത്സരങ്ങളില്‍ മികവുതെളിയിച്ച പ്രതിഭകളാണ് വാഫി സ്‌പോര്‍ട്‌സ് മീറ്റില്‍ ജൂനിയര്‍, സീനിയര്‍ വിഭാഗങ്ങളിലായി മാറ്റുരക്കുക.