ഓമശേരി: ലോകം നിലനില്‍ക്കുന്നത് പ്രവാചകരുടെ പിന്‍ഗാമികളായ പണ്ഡിതന്‍മാരെ കൊണ്ടാണെന്നും പണ്ഡിതന്‍മാരുടെ മരണം അപായ സൂചനയാണെന്നും സയ്യിദ് നാസര്‍ ഹയ്യ് ശിഹാബ് തങ്ങള്‍ പറഞ്ഞു. മങ്ങാട് ചെറുശ്ശേരി ഉസ്താദ് നഗറില്‍ നടക്കുന്ന പഞ്ചദിന പ്രഭാഷണ വേദിയില്‍ ബാപ്പു മുസ്‌ലിയാര്‍ അനുസ്മരണ സദസ് ഉദ്ഘാടനം ചെയ്യുകയായിരുന്നു തങ്ങള്‍. പി. മഹ്മൂദ് ഹാജി അധ്യക്ഷനായി. ഫൈസല്‍ ഫൈസി കൂടത്തായി അനുസ്മരണ പ്രഭാഷണം നടത്തി.
പി. ഉമ്മര്‍, കെ. മൊയ്തീന്‍ കുട്ടി മുസ്‌ലിയാര്‍, ടി.പി അബുഹാജി, സി.കെ.സി ഹുസൈന്‍ ഹാജി, സി.കെ കാദര്‍, കെ. മുഹമ്മദ് ഫൈസി, സി.കെ റഷീദ് സംസാരിച്ചു.