കോഴിക്കോട്: അല്‍ ഫാറൂഖ് റസിഡന്‍ഷ്യല്‍ സീനിയര്‍ സെക്കന്‍ഡറി സ്‌കൂളിന്റെ ഒരു വര്‍ഷം നീണ്ടുനില്‍ക്കുന്ന രജതജൂബിലി ആഘോഷം 16ന് തുടങ്ങുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു.
ആഘോഷങ്ങളുടെ ഭാഗമായി ഇന്‍ഡോര്‍ സ്‌റ്റേഡിയം ഉള്‍പ്പെടെ കൂടുതല്‍ സൗകര്യങ്ങള്‍ ഏര്‍പ്പെടുത്തുകയും മെഗാ എക്‌സിബിഷന്‍, മെഡിക്കല്‍ കാംപ്, പാരന്റ്‌സ് മീറ്റ്, പൂര്‍വ വിദ്യാര്‍ഥി സംഗമം, സുവനീര്‍ പ്രകാശനം തുടങ്ങി വിവിധ പരിപാടികള്‍ സംഘടിപ്പിക്കുകയും ചെയ്യുന്നുണ്ട്.
ചടങ്ങ് 16ന് രാവിലെ 10.30ന് ഐ.എസ്.ആര്‍.ഒ മുന്‍ ചെയര്‍മാന്‍ പത്മവിഭൂഷണ്‍ ഡോ. ജി മാധവന്‍ നായര്‍ ഉദ്ഘാടനം ചെയ്യും. 16,17,18 തിയതികളിലായി സമീപ പ്രദേശത്തുള്ള 40ഓളം വിദ്യാഭ്യാസ സ്ഥാപനങ്ങളിലെ വിദ്യാര്‍ഥികള്‍ക്കും രക്ഷിതാക്കള്‍ക്കും നാട്ടുകാര്‍ക്കും എക്‌സിബിഷന്‍ സന്ദര്‍ശിക്കാനുള്ള അവസരമുണ്ടാകും.
എക്‌സിബിഷനില്‍ ഐ.എസ്.ആര്‍.ഒ, പ്ലാനറ്റേറിയം, മെട്രോഹോസ്പിറ്റല്‍, ഫോറസ്റ്റ് ഡിപ്പാര്‍ട്ട്‌മെന്റ്, ജെ.ഡി.ടി, ഫാറൂഖ് കോളജ് കാംപസ് സ്ഥാപനങ്ങള്‍ തുടങ്ങിയവര്‍ ഒരുക്കുന്ന സ്റ്റാളുകള്‍ക്ക് പുറമെ വിദ്യാര്‍ഥികള്‍ക്കും രക്ഷിതാക്കള്‍ക്കുമായി വിവിധ മല്‍സരങ്ങളും സംഘടിപ്പിക്കും.
വാര്‍ത്താ സമ്മേളനത്തില്‍ സ്‌കൂള്‍ ട്രസ്റ്റ് ചെയര്‍മാന്‍ കെ.വി കുഞ്ഞമ്മദ് കോയ, പ്രഫ. എ കുട്ട്യാലിക്കുട്ടി, ഹമീദ് അലി യഹിയ, വി.എം ബഷീര്‍, അഡ്വ. വി.എം മൊയ്തീന്‍ പങ്കെടുത്തു.