ബിദര്‍ക്കാട്: ബൈക്കിന് മുകളിലേക്ക് ചാടിയ മാന്‍ ചത്തു. ബൈക്ക് ഓടിച്ചയാള്‍ക്ക് പരുക്കേറ്റു. ദേവര്‍ഷോല പാലംവയല്‍ സ്വദേശി ഷിബു(37)വിനാണ് പരുക്കേറ്റത്.
ഇയാളെ സുല്‍ത്താന്‍ ബത്തേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ബിദര്‍ക്കാട് മുക്കട്ടിക്ക് സമീപത്ത് വച്ചാണ് സംഭവം. കുന്നിന്‍ മുകളില്‍ നിന്ന് മാന്‍ ഓടിക്കൊണ്ടിരുന്ന ബൈക്കിന് മുകളിലേക്ക് ചാടുകയായിരുന്നു. രണ്ട് വയസ് പ്രായമുള്ള മാനാണ് അപകടത്തെത്തുടര്‍ന്ന് ചത്തത്. ഡോ. കാളിയപ്പന്‍ മാനിനെ പോസ്റ്റ്‌മോര്‍ട്ടം നടത്തി.