കണ്ണൂര്‍: സമൂഹത്തില്‍ തിന്മകളും അരുതായ്മകളും വര്‍ധിക്കുകയും തെറ്റുകള്‍ ചെയ്യാന്‍ യാതൊരു മടിയുമില്ലാത്ത കാലത്ത് മൂല്യവത്തായ വിദ്യാഭ്യാസം ആവശ്യമാണെന്നും അതുകൊണ്ട് മാത്രമേ സമൂഹത്തിന് രക്ഷയുണ്ടാവുകയുള്ളൂവെന്നും കണ്ണൂര്‍ സര്‍വകലാശാല വൈസ് ചാന്‍സലര്‍ ഡോ. എം.കെ അബ്ദുല്‍ ഖാദര്‍. എസ്.കെ.എസ്.എസ്.എഫ് ജില്ലാ സമ്മേളനത്തിന്റെ ഭാഗമായി ട്രന്റ് ജില്ലാ കമ്മിറ്റി കണ്ണൂര്‍ ചേമ്പര്‍ ഹാളില്‍ സംഘടിപ്പിച്ച ആണിക്കല്ല്-17 ഉദ്ഘാടനം ചെയ്യുകയായിരുന്നു അദ്ദേഹം. ഉന്നത വിദ്യാഭ്യാസ രംഗത്തെ സാധ്യതകള്‍ കണ്ടെത്തി ന്യൂജനറേഷനെ മുന്നോട്ട് നയിക്കാന്‍ എസ്.കെ.എസ്.എസ്.എഫിനും ട്രന്റിനും മാത്രമേ സാധിക്കൂവെന്നും അദ്ദേഹം പറഞ്ഞു. ബഷീര്‍ അസ്അദി അധ്യക്ഷനായി. എസ്.വി മുഹമ്മദലി, പ്രൊഫ. ജാബിര്‍ തില്ലങ്കേരി, ഇബ്രാഹിം ബാഖവി പൊന്ന്യം, പി.ടി മുഹമ്മദ്, അഷ്‌റഫ് തില്ലങ്കേരി, ഷുഹൈബ് പാപ്പിനിശേരി, അബൂബക്കര്‍ യമാനി, അബ്ദുറഷീദ് ഫൈസി, അബ്ദുല്‍ സലാം പൊയനാട്, അസ്‌ലം അസ്ഹരി പൊയ്തുംകടവ്, ലത്തീഫ് എടവച്ചാല്‍, ഹാരിസ് എടവച്ചാല്‍, മഹറൂഫ് മട്ടന്നൂര്‍, ജുനൈദ് ചാലാട്, ഇഖ്ബാല്‍ മുട്ടില്‍, എം.കെ. പി മുഹമ്മദ് സംസാരിച്ചു.