കോഴിക്കോട്: സംസ്ഥാന ജൂനിയര്‍ അന്തര്‍ജില്ലാ ഫുട്‌ബോള്‍ ചാംപ്യന്‍ഷിപ്പ് ബി ഗ്രൂപ്പില്‍ രണ്ടു ജയവും ഒരു സമനിലയുമായി തൃശൂര്‍ സെമി ഫൈനലില്‍ കടന്നു.
ഇന്നലെ രാവിലെ  നടന്ന ആദ്യ മത്സരത്തില്‍ തൃശൂര്‍ പാലക്കാടിനെ എതിരില്ലാത്ത ഒരു ഗോളിനു പരാജയപ്പെടുത്തി.
 രണ്ടണ്ടാമത്തെ മത്സരത്തില്‍ കോട്ടയം എതിരില്ലാത്ത രണ്ടു ഗോളുകള്‍ക്കു കണ്ണൂരിനെ വീഴ്ത്തി. വൈകിട്ടു നടന്ന മത്സരത്തില്‍ തൃശൂരും കോട്ടയവും ഗോള്‍രഹിത സമനിലയില്‍ പിരിഞ്ഞു.
 മറ്റൊരു മത്സരത്തില്‍ പാലക്കാട് എതിരില്ലാത്ത ഒരു ഗോളിനു കണ്ണൂരിനെ കീഴടക്കി.
ഇന്നു രാവിലെ ഏഴിനു നടക്കുന്ന ആദ്യ മത്സരത്തില്‍  ഇടുക്കി പത്തനംതിട്ടയേയും 8.15നു കോഴിക്കോട് എറണാകുളത്തേയും വൈകിട്ട് മൂന്നിനു ഇടുക്കി മലപ്പുറത്തേയും 4.15നു കൊല്ലം എറണാകുളത്തേയും നേരിടും.  
ഗ്രൂപ്പ് എ ജേതാക്കളും ഗ്രൂപ് സി ജേതാക്കളും തമ്മിലുള്ള സെമി ഫൈനല്‍ മത്സരങ്ങള്‍ 17നു ഉച്ചക്ക് മൂന്നിനും ഗ്രൂപ്പ് ബി, ഗ്രൂപ്പ് ഡി ജേതാക്കള്‍ തമ്മിലുള്ള സെമി  4.30നും മൂന്നു നാലുംസ്ഥാനക്കാരെ കണ്ടെണ്ടത്താനുള്ള മത്സരം 18നു രാവിലെ ഏഴിനും ഫൈനല്‍ മത്സരം 18നു നാലു മണിക്കും നടക്കും.