നിലമ്പൂര്‍: അര്‍ഹതക്കുള്ള അംഗീകാരം കിട്ടേണ്ടത് വര്‍ഷങ്ങളായി പള്ളികളില്‍ ബാങ്ക് വിളിക്കുന്ന മുഅദ്ദിനുകള്‍ക്കാണെന്ന് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. കൂറ്റമ്പാറ സുകൃതം യുവജനവേദിയുടെ ആഭിമുഖ്യത്തില്‍ ജില്ലയിലെ പള്ളികളിലെ മുഅദ്ദിനുകളെ ആദരിക്കുന്ന ചടങ്ങില്‍ സംസാരിക്കുകയായിരുന്നു തങ്ങള്‍. അല്ലാഹുവിന്റെ അടുത്ത് ഉന്നത സ്ഥാനം ലഭിക്കുന്നവരാണിവര്‍.
സമൂഹത്തില്‍ അവര്‍ക്ക് വേണ്ടത്ര പരിഗണന കൊടുക്കാന്‍ സമൂഹം തയാറാവണം. വിവര സാങ്കേതികത എത്രത്തോളം വളര്‍ന്നാലും മൂല്യാധിഷ്ഠിത സമൂഹത്തെ വാര്‍ത്തെടുക്കാന്‍ ഒരു ടെക്‌നോളജിക്കും ഇതുവരെ സാധിച്ചിട്ടില്ല.
ധാര്‍മികതയിലൂന്നിയ പഠനങ്ങള്‍ക്ക് മാത്രമേ മൂല്യാധിഷ്ഠിത സമൂഹത്തെ ഉണ്ടാക്കിയെടുക്കാന്‍ സാധിക്കുകയുള്ളൂ അദ്ദേഹം പറഞ്ഞു.