റിയാദ്: ഒമാനില്‍ നിന്നും യാത്ര തിരിച്ച ജര്‍മ്മന്‍ വിമാന കമ്പനിയായ ലുഫ്താന്‍സ എയര്‍ വിമാനത്തില്‍ ബോംബ് ഭീഷണിയെ തുടര്‍ന്ന് കുവൈത്തില്‍ അടിയന്തിര ലാന്‍ഡിംഗ് നടത്തി.

ഞായറാഴ്ച്ച രാവിലെ 287 യാത്രക്കാരും 10 ജീവനക്കാരുമായി പറന്നുയര്‍ന്ന വിമാനം ബോംബ് ഭീഷണിയെ തുടര്‍ന്ന് ക്യാപ്റ്റന്‍ തൊട്ടടുത്ത വിമാനത്താവളത്തില്‍ ഇറക്കാന്‍ അനുമതി തേടുകയായിരുന്നു. തുടര്‍ന്ന് കുവൈത്ത് വിമാനത്താവള അധികൃതര്‍ യാത്രക്കാരെ ഉടനടി പുറത്തിറക്കി പരിശോധന നടത്തിയെങ്കിലും ഭീഷണി വ്യാജമാണെന്ന് കണ്ടെത്തി.