കുന്ദമംഗലം : ഗ്രാമ പഞ്ചായത്ത് വാര്‍ഡ്17 പൈങ്ങോട്ടുപുറം വെസ്റ്റിലെ അങ്കണവാടി ആന്‍ഡ് വെറ്ററിനറി സബ് സെന്ററിന് പുതിയതായി നിര്‍മിച്ച കെട്ടിടം ഗ്രാമ പഞ്ചായത്ത് പ്രസിഡന്റ് ടി.കെ സീനത്ത് ഉദ്ഘാടനം ചെയ്തു. ക്ഷേമകാര്യ സ്റ്റാന്റിംങ് കമ്മിറ്റി ചെയര്‍മാന്‍ കെ.പി കോയ അധ്യക്ഷനായി.
ഗ്രാമപഞ്ചായത്ത് വൈസ് പ്രസിഡന്റ് വിനോദ് പടനിലം ,ലീന വാസുദേവന്‍ , ഷമീന വള്ളക്കാട്ട്, തൂലിക മോഹനന്‍ , കെ ബഷീര്‍ മാസ്റ്റര്‍, വി മുരളീധരന്‍ ,വി അനില്‍കുമാര്‍ ,കെ.എം.എ റഷീദ് , ഇ.എം സുബൈദ , റാണി ,കെ ചന്ദ്രന്‍ സംസാരിച്ചു. ഗ്രാമപഞ്ചായത്ത് സെക്രട്ടറി ഗിരീഷ് കുമാര്‍ സ്വാഗതവും കണ്‍വീനര്‍ കെ.പി അബ്ബാസ് നന്ദിയും പറഞ്ഞു. പരിപാടിയുടെ ഭാഗമായി കുട്ടികളുടെ കലാപരിപാടിയും നടത്തി.