ചെന്നൈ: കമല്‍ഹാസനു പിറകെ ജെല്ലിക്കെട്ടിനെ അനുകൂലിച്ച് ചലച്ചിത്രതാരം രജനീകാന്തും രംഗത്ത്.
തമിഴ്‌നാട്ടിലെ പ്രധാന വിനോദങ്ങളിലൊന്നാണ് കാളകള്‍ തമ്മില്‍ കൊമ്പുകോര്‍ക്കുന്ന ജെല്ലിക്കെട്ട്. തമിഴ് ജനതയുടെ സംസ്‌കാരത്തിന്റെ ഭാഗമായതിനാലാണു താനും ജെല്ലിക്കെട്ടിനെ അനുകൂലിക്കുന്നതെന്ന് രജനീകാന്ത് വ്യക്തമാക്കി.
ജെല്ലിക്കെട്ടിന് നിരോധനം ഏര്‍പ്പെടുത്തിയ സുപ്രിം കോടതി ഉത്തരവ് സംസ്ഥാനത്തു വ്യാപക പ്രതിഷേധത്തിനിടയാക്കിയിരുന്നു. സംസ്ഥാനത്തിന്റെ വിവിധ ഭാഗങ്ങളില്‍ നിരോധനത്തോട് പ്രതിഷേധിച്ച് ഗ്രാമീണര്‍ കടകള്‍ അടച്ചിട്ടിരിക്കുകയാണ്.
കഴിഞ്ഞ ദിവസം നിരോധനത്തില്‍ പ്രതിഷേധിച്ച് ജെല്ലിക്കെട്ട് നടത്തിയ 30 പേരെ പൊലിസ് അറസ്റ്റ് ചെയ്തിരുന്നു.