ട്രിപ്പോളി: മെഡിറ്ററേനിയന്‍ കടല്‍ത്തീരത്ത് ബോട്ട് മുങ്ങി നൂറിലധികം അഭയാര്‍ത്ഥികള്‍ മരിച്ചതായി റിപ്പോര്‍ട്ട്. ലിബിയന്‍ തീരത്ത് നിന്നും ഇറ്റലിയിലേക്കു പോയ അഭയാര്‍ത്ഥി ബോട്ടാണ് അപകടത്തില്‍പ്പെട്ടത്. ലിബിയന്‍ തുറമുഖത്തു നിന്നും 30 മൈല്‍ അകലെയാണ് അപകടം. കാണാതായവര്‍ക്കായുള്ള തിരച്ചില്‍ തുടരുകയാണ്. നിരവധി കപ്പലുകളും ഹെലിക്കോപ്റ്ററുകളും ഉപയോഗിച്ചാണ് തെരച്ചില്‍ പുരോഗമിക്കുന്നത്.
നാലു പേരെ രക്ഷപ്പെടുത്തിയെന്നും എട്ടു മൃതദേഹങ്ങള്‍ ലഭിച്ചെന്നും ഇറ്റാലിയന്‍ കോസ്റ്റ്ഗാര്‍ഡ് പറഞ്ഞു. 90 പേരെ ഇനിയും കണ്ടെത്താനുണ്ടെന്നാണ് റിപ്പോര്‍ട്ടുകള്‍.