മലപ്പുറം: പുരുഷ വസ്ത്രങ്ങളുടെ നിര്‍മാതാക്കളായ അഡ്രസ് മെന്‍സ് അപ്പാരല്‍സും ഇന്ത്യന്‍ ക്രിക്കറ്റ് താരം ഇര്‍ഫാന്‍ പഠാനും ചേര്‍ന്നു രൂപീകരിച്ച അഡ്രസ് ക്രിക്കറ്റ് അക്കാദമി ഓഫ് ഇര്‍ഫാന്‍ പഠാന്റെ ഉദ്ഘാടനം ഇന്ന് ഉച്ചയ്ക്ക് 2.30ന് എടപ്പാള്‍ പൂക്കരത്തറ ദാറുല്‍ ഹിദായ ഓര്‍ഫനേജ് ഹയര്‍സെക്കന്‍ഡറി സ്‌കൂളില്‍ ഇര്‍ഫാന്‍ പഠാന്‍ നിര്‍വഹിക്കും.
കേരളത്തില്‍നിന്നു മികവുറ്റ ക്രിക്കറ്റ് താരങ്ങളെ വളര്‍ത്താനുള്ള ഭാഗമായി സ്‌കൂളുകളില്‍ തുടങ്ങുന്ന പരിശീലന കേന്ദ്രത്തിന്റെ ആദ്യ സെന്ററാണ് ഉദ്ഘാടനം ചെയ്യപ്പെടുന്നത്. മലപ്പുറത്തും വളാഞ്ചേരിയിലും 20ന് അഡ്രസിന്റെ പുതിയ ഔട്ട്‌ലറ്റുകള്‍ തുറക്കും. 2020ഓടെ 100 ഔട്ട്‌ലെറ്റുകള്‍ ആഗോളതലത്തില്‍ തുറക്കുകയാണ് ലക്ഷ്യം. വാര്‍ത്താസമ്മേളനത്തില്‍ ശംസുദ്ദീന്‍ നെല്ലറ, അബ്ദുല്‍ നാസര്‍, സഫദുള്ള, യു. അബ്ദുല്‍ ഗഫൂര്‍, അബ്ദുല്‍ ജലീല്‍ എന്നിവര്‍ പങ്കെടുത്തു.