പാലക്കാട്: വിദ്യാര്‍ഥികളില്‍ പരിസ്ഥിതി സംരക്ഷണ അവബോധം സൃഷ്ടിക്കുന്നതിനും ജൈവവൈവിധ്യങ്ങള്‍ പരിചയപ്പെടുത്തുന്നതിനുമായി സംസ്ഥാന ജൈവവൈവിധ്യ ബോര്‍ഡ് നടത്തുന്ന ഒന്‍പതാമത് ജൈവവൈവിധ്യ കോണ്‍ഗ്രസിന്റെ ഭാഗമായി ജനുവരി 21ന് ജില്ലാതല മത്സരങ്ങള്‍ നടത്തും.
ഈ മാസം ഏഴിന് നടത്താനിരുന്ന മത്സരങ്ങളാണ് 21ലേക്ക് മാറ്റിയത്. പാലക്കാട് ബിഗ് ബസാര്‍ ഹൈസ്‌കൂളില്‍ യു.പി, ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളിലായി സെമിനാര്‍ അവതരണം, പദ്യം ചൊല്ലല്‍, പ്രസംഗം, ചിത്രരചനാ മത്സരങ്ങള്‍ നടക്കും. 21ന് രാവിലെ ഒന്‍പതിന് ഹയര്‍സെക്കന്‍ഡറി വിഭാഗം മേഖലാ വിദ്യാഭ്യാസ ഡെപ്യൂട്ടി ഡയറക്ടര്‍ വി. ജോസ് മത്സരങ്ങള്‍ ഉദ്ഘാടനം ചെയ്യും. പാലക്കാട് വിദ്യാഭ്യാസ ഡെപ്യൂട്ടി ഡയറക്ടര്‍ കെ. രവികുമാര്‍ അധ്യക്ഷനാകുന്ന പരിപാടിയില്‍ വാര്‍ഡ് കൗണ്‍സിലര്‍ സജിത ഫഹിം, ഡി.ഇ.ഒമാരായ പി.വി. വനജകുമാരി, കെ.പി. ശാന്തകുമാരി, ബിഗ്ബസാര്‍ ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ ടെന്നിസണ്‍ ഹര്‍മര്‍, പി.ടി.എ പ്രസിഡന്റ് ബി. പ്രിയ, സംസ്ഥാന ജൈവവൈവിധ്യ കോണ്‍ഗ്രസ് ജില്ലാ കോഡിനേറ്റര്‍ വി. ഷാര്‍മിള, കെ. രാജന്‍ പങ്കെടുക്കും.