പാലക്കാട്: സംസ്ഥാന സ്‌പോര്‍ട്‌സ് കൗണ്‍സിലും ജില്ലാ സ്‌പോര്‍ട്‌സ് കൗണ്‍സിലും സംയുക്തമായി നടത്തുന്ന 'ഖേലോ ഇന്ത്യ' (കായികരംഗത്തെ വികസനത്തിനായുള്ള ദേശീയ പദ്ധതി) സംസ്ഥാന ഖൊ-ഖൊ മത്സരം നാളെ ബി.ഇ.എം.ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ കെ.വി. വിജയദാസ് എം.എല്‍.എ ഉദ്ഘാടനം ചെയ്യും. ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.എന്‍. കണ്ടമുത്തന്‍ അധ്യക്ഷനാകും. നഗരസഭാ ചെയര്‍പേഴ്‌സണ്‍ പ്രമീളാ ശശിധരന്‍ മുഖ്യാതിഥിയാകും. സംസ്ഥാനത്തെ 14 ജില്ലകളില്‍ നിന്നും 340 കായികതാരങ്ങള്‍ പങ്കെടുക്കും. വൈകിട്ട് നാലിന് നടക്കുന്ന സമാപനസമ്മേളനത്തില്‍ ജില്ലാ കലക്ടര്‍ പി. മേരിക്കുട്ടി സമ്മാനദാനം നടത്തും.
എം.കെ.രാജേശ്വരി, എം.ആര്‍. രഞ്ജിത്ത്, ജി. വിദ്യാധരന്‍ പിള്ള, പി. രാജീവ്, മധുസൂദനന്‍, എം.വി. ശിവശങ്കരന്‍, ഭാസ്‌കരന്‍ പങ്കെടുക്കും.