സരവാക് (മലേഷ്യ): ഇന്ത്യയുടെ സൈന നേഹ്‌വാള്‍ മലേഷ്യ മാസ്റ്റേഴ്‌സ് ഗ്രാന്‍ഡ് പ്രിക്‌സ് ഗോള്‍ഡ് ബാഡ്മിന്റണിന്റെ സെമിയില്‍. ക്വാര്‍ട്ടറില്‍ ഇന്തോനേഷ്യയുടെ ഫിറ്റ്‌റിയാനി ഫിറ്റ്‌റിയാനിയെ അനായാസമായാണ് സൈന കീഴടക്കിയത്. 40 മിനുട്ടു കൊണ്ടു മത്സരം അവസാനിപ്പിച്ച ഇന്ത്യന്‍ താരം 21-15, 21-14 എന്ന സ്‌കോറിനാണ് വിജയിച്ചത്.
അതേസമയം പുരുഷ സിംഗിള്‍സില്‍ ഇന്ത്യന്‍ പ്രതീക്ഷയായിരുന്ന അജയ് ജയറാം തോല്‍വി സമ്മതിച്ചു. കരുത്തനായ എതിരാളി ഇന്തോനേഷ്യയുടെ ആന്റണി സിനിസുക ജിന്‍ഡിങാണ് ഇന്ത്യന്‍ താരത്തെ വീഴ്ത്തിയത്. ശക്തനായ എതിരാളിക്കെതിരേ പൊരുതാന്‍ പോലുമാകാതെ രണ്ടു സെറ്റില്‍ അജയ് തോല്‍വി സമ്മതിച്ചു. സ്‌കോര്‍: 21-13, 21-8.