മോസ്‌കോ: എട്ടു വര്‍ഷം നീണ്ട ബരാക് ഒബാമയുടെ ഭരണത്തില്‍ ബന്ധം മോശമായെന്ന് റഷ്യ. ഇരു രാജ്യങ്ങളും തമ്മിലുള്ള ബന്ധം മോശമായത് ബരാക് ഒബാമയെന്ന വ്യക്തിയുടെ സാന്നിധ്യം കൊണ്ടല്ലെന്നും അമേരിക്കന്‍ ഭരണകൂടത്തിന്റെ പല കാര്യങ്ങളിലുമുള്ള റഷ്യന്‍ പ്രതികൂല നയങ്ങളാലാണെന്നും റഷ്യന്‍ പ്രസിഡന്റ് വ്‌ളാദ്മിര്‍ പുടിന്റെ വക്താവ് ദിമിത്രി പെസ്‌കോവ് പറഞ്ഞു.
ഒബാമ പ്രസിഡന്റായുള്ള അവസാന ദിവസമായ ഇന്നലെയാണ് റഷ്യ വിമര്‍ശനവുമായി രംഗത്തെത്തിയത്. ഇരു രാജ്യങ്ങള്‍ക്കുമിടയില്‍ സൗഹൃദരഹിതമായ വര്‍ഷങ്ങളായിരുന്നു കടന്നുപോയതെന്നുംദിമിത്രി സൂചിപ്പിച്ചു.