ഹരിപ്പാട്: ചിങ്ങോലി വടക്ക് 1044-ാം നമ്പര്‍ ശ്രീദേവി വിലാസം എന്‍.എസ്.എസ് കരയോഗത്തില്‍ ശതാബ്ദി മന്ദിര ഉദ്ഘാടനവും കുടുംബസംഗമവും നടന്നു. എന്‍.എസ്.എസ് ട്രഷറര്‍ ഡോ.എം.ശശികുമാര്‍ ഉദ്ഘാടനം ചെയ്തു.
കരയോഗം പ്രസിഡന്റ് ജെ.ഗോപിനാഥപണിക്കര്‍ അധ്യക്ഷനായി. കേരള യൂണിവേഴ്‌സിറ്റിയില്‍നിന്ന് കെമിസ്ട്രിയില്‍ ഡോക്ടേറ്റ് നേടിയ മഠത്തില്‍ സൗമ്യ എസ്.പിളളയെ യോഗത്തില്‍ അനുമോദിച്ചു. താലൂക്ക് യൂണിയന്‍ പ്രസിഡന്റ് കെ.ചന്ദ്രശേഖരന്‍പിളള ലൈബ്രറിയുടെ ഉദ്ഘാടനം നിര്‍വ്വഹിച്ചു. യൂണിയന്‍ ഭരണസമിതി അംഗം എം.കെ.വിജയന്‍ എസ്.എസ്.എല്‍.സി, പ്ലസ്ടു സ്‌കോളര്‍ഷിപ്പ് വിതരണം നടത്തി.
ടി.ആര്‍.വേണുഗോപാല്‍, എസ്.സന്തോഷ്‌കുമാര്‍, അശോക്കുമാര്‍, എന്‍.രാധാകൃഷ്ണന്‍ നായര്‍, കെ.വേണുഗോപാലന്‍നായര്‍, ശ്രീകലാദേവി, സുഗതകുമാരി തുടങ്ങിയവര്‍ സംസാരിച്ചു.