മലപ്പുറം: സ്റ്റേറ്റ് ഹെഡ് ലോഡ് ആന്‍ഡ് ജനറല്‍ വര്‍ക്കേഴ്‌സ് ഫെഡറേഷന്‍ (എസ്.ടി.യു ) മൂന്നിന് സെക്രട്ടേറിയറ്റിലേക്ക് മാര്‍ച്ച് നടത്തും. കേരള ചുമട്ട് തൊഴിലാളി ക്ഷേമ ബോര്‍ഡിന്റെ പ്രവര്‍ത്തനം കാര്യക്ഷമമാക്കുക ,ആനുകൂല്യങ്ങള്‍ വര്‍ധിപ്പിക്കുക എന്നീ ആവശ്യങ്ങളുന്നയിച്ചാണ് മാര്‍ച്ച്. മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ. പി.എ മജീദ് ഉദ്ഘാടനം ചെയ്യും.
അഡ്വ.എം.റഹ്മത്തുല്ല, അഹമ്മദ്കുട്ടി ഉണ്ണിക്കുളം, എം.എല്‍.മാരായ വി.കെ ഇബ്രാഹിം കുഞ്ഞ്, പി.കെ.അബ്ദുറബ്ബ് , അഡ്വ.കെ.എന്‍.എ ഖാദര്‍, അഡ്വ.എം.ഉമ്മര്‍, പി.അബ്ദുല്‍ഹമീദ്, പി.ഉബൈദുല്ല, സി.മമ്മുട്ടി തുടങ്ങിയവര്‍ സംബന്ധിക്കുമെന്ന് ഫെഡറേഷന്‍ സംസ്ഥാന പ്രസിഡന്റ് യു.പോക്കര്‍, ജനറല്‍ സെക്രട്ടറി വല്ലാഞ്ചിറ മജീദ് എന്നിവര്‍ അറിയിച്ചു