തൃശൂര്‍: വ്യത്യസ്ത കേസുകളില്‍ ഒളിവില്‍ കഴിഞ്ഞിരുന്ന പിടികിട്ടാപ്പുള്ളികള്‍ എല്‍.പി സ്‌ക്വാഡിന്റെ പിടിയിലായി. ഓങ്ങന്നൂര്‍ വാടാംനംകുറിശ്ശി കുഴിയണംക്കുന്ന് സ്വദേശി മായംക്കുന്നത്ത് വീട്ടില്‍ സുബീഷ്, പുത്തൂര്‍ മേത്തുള്ളിപ്പാടം സ്വദേശി കുണ്ടായി വീട്ടില്‍ വാസു എന്നിവരാണ് പിടിയിലായത്.
420 ഗ്രാം കഞ്ചാവ് കൈവശം വെച്ച കാര്യത്തിനു 2012ല്‍ വെസ്റ്റ് പൊലിസ് രജിസ്റ്റര്‍ ചെയ്ത കേസിലെ പിടികിട്ടാപ്പുള്ളിയാണ് സുബീഷ്.
പട്ടിയെ അഴിച്ചുവിട്ടത് ചോദ്യം ചെയ്തതിനുള്ള വൈരാഗ്യത്താല്‍ പുത്തൂര്‍ സ്വദേശിയായ സുരേഷ് എന്നയാളെ മര്‍ദ്ദിച്ചതിന് 2012ല്‍ ഒല്ലൂര്‍ പൊലിസ് രജിസ്റ്റര്‍ ചെയ്ത കേസിലെ പ്രതിയാണ് വാസു. സിറ്റി പൊലിസ് കമ്മീഷണറുടെ കീഴില്‍ പ്രവര്‍ത്തിച്ചുവരുന്ന എല്‍.പി സ്‌ക്വാഡ് അംഗങ്ങളാണ് പ്രതികളെ കണ്ടെത്തിയത്.