ഇംഫാല്‍: തെരഞ്ഞെടുപ്പില്‍ കോണ്‍ഗ്രസിനെ അട്ടിമറിച്ച് ഭരണം പിടിച്ചെടുക്കുമെന്ന് ബി.ജെ.പി. അഴിമതിയും സംസ്ഥാനത്തിന്റെ പിന്നോക്കാവസ്ഥയ്ക്കും പരിഹാരമായി കോണ്‍ഗ്രസിനെ അധികാരത്തില്‍ നിന്ന് പുറംതള്ളണമെന്നും ബി.ജെ.പി ദേശീയ സെക്രട്ടറിയും വടക്കു കിഴക്കന്‍ സംസ്ഥാനങ്ങളുടെ ചുമതലയുള്ള ആളുമായ രാം മാധവ് വ്യക്തമാക്കി.
മണിപ്പൂരിലെ സ്വന്തം ജനങ്ങളുടെ വേവലാതിയെപ്പോലും തിരിച്ചറിയാന്‍ കോണ്‍ഗ്രസിന് കഴിയുന്നില്ല. സംസ്ഥാനത്ത് 60 സീറ്റുകളില്‍ മത്സരിക്കുന്ന ബി.ജെ.പിയ്ക്ക് വ്യക്തമായ ചില ധാരണകളുണ്ട്.
എന്‍.ഡി.എ മുന്നണിയിലുള്ള നാഗാ പീപ്പിള്‍സ് ഫ്രണ്ട്, നാഷണല്‍ പീപ്പിള്‍സ് പാര്‍ട്ടി എന്നിവയുമായി മണിപ്പൂരില്‍ സഖ്യമില്ലെന്നും രാം മാധവ് അറിയിച്ചു.