തളിപ്പറമ്പ് : സി.എല്‍.എസ് ബുക്‌സിന്റെ ആഭിമുഖ്യത്തില്‍ 28നു സാഹിത്യ സംഗമവും പുസ്തക പ്രകാശനവും സംഘടിപ്പിക്കും. തളിപ്പറമ്പിലെ പ്രസാധ കരായ സി.എല്‍.എസ് ബുക്‌സ് ഇതുവരെ പ്രസിദ്ധീകരിച്ച എണ്‍പത്തഞ്ചോളം പുസ്തകങ്ങളുടെ എഴുത്തുകാര്‍ സംഗമത്തിലും പുസ്തക പ്രകാശനത്തിലും പങ്കെടുക്കും. 

'ഗ്രീഷ്്മ ജ്വാലകള്‍', 'കാവ്യാകാശത്തിലെ പറവകള്‍' എന്നീ പുസ്തകങ്ങളോടൊപ്പം പ്രകാശനം ചെയ്യുന്ന 'ജാനറ്റ് ഡോണോവാന്‍' എന്ന നോവലാണ് സംഗമത്തിന്റെ ശ്രദ്ധാ കേന്ദ്രം. അന്നക്കുട്ടി ജോസ് എന്ന വീട്ടമ്മയുടെ ആദ്യ നോവലാണിത്. ജര്‍മ്മനിയുടെ പാശ്ചാത്തലത്തില്‍ രïാം ലോക മഹായുദ്ധം ഇതിവൃത്തമാക്കിയതാണ് നോവല്‍.
ഡ്രീംപാലസില്‍ നടത്തുന്ന ചടങ്ങില്‍ നോവല്‍ തളിപ്പറമ്പ് സെന്റ് മേരീസ് ഫെറോന ചര്‍ച്ച് വികാരി റവ. ഫാദര്‍ ജോസഫ് മഞ്ചപ്പിള്ളില്‍ പ്രകാശനം ചെയ്യും.
വാര്‍ത്താ സമ്മേളനത്തില്‍ എം ചന്ദ്രന്‍, ലീലാ എം ചന്ദ്രന്‍, അന്നക്കുട്ടി ജോസ്, ഡെന്നീസ് സെബാസ്റ്റ്യന്‍ എന്നിവര്‍ പങ്കെടുത്തു.