ക്രൈസ്റ്റ്ചര്‍ച്ച്: ബംഗ്ലാദേശിനെതിരായ രണ്ടാം ക്രിക്കറ്റ് ടെസ്റ്റില്‍ ന്യൂസിലന്‍ഡ് പൊരുതുന്നു. ബംഗ്ലാദേശിന്റെ ഒന്നാം ഇന്നിങ്‌സ് 289 റണ്‍സില്‍ അവസാനിപ്പിച്ച് മറുപടി ബാറ്റിങ് തുടങ്ങിയ കിവികള്‍ മൂന്നാം ദിനം സ്റ്റംപെടുക്കുമ്പോള്‍ ഏഴു വിക്കറ്റ് നഷ്ടത്തില്‍ 260 റണ്‍സെന്ന നിലയിലാണ്. മൂന്നു വിക്കറ്റുകള്‍ കൈയിലിരിക്കേ ബംഗ്ലാ സ്‌കോറിനൊപ്പമെത്താന്‍ ന്യൂസിലന്‍ഡിനു 29 റണ്‍സ് കൂടി വേണം. മധ്യനിരയില്‍ ഹെന്റി നിക്കോള്‍സ് 56 റണ്‍സുമായി പുറത്താകാതെ നില്‍ക്കുന്നു.