മെല്‍ബണ്‍: ഇതിഹാസ ഡബിള്‍സ് സഖ്യങ്ങളായ അമേരിക്കയുടെ മൈക്, ബോബ് ബ്രയാന്‍ സഹോദരന്‍മാര്‍ ഡേവിസ് കപ്പ് ടെന്നീസ് ടൂര്‍ണമെന്റില്‍ നിന്നു വിരമിച്ചു. 14 വര്‍ഷം നീണ്ട ഡേവിസ് കപ്പ് പോരാട്ടങ്ങള്‍ക്കാണ് ഇരുവരും അവസാനം കുറിച്ചത്. ഡേവിസ് കപ്പില്‍ ഏറ്റവും കൂടുതല്‍ വിജയങ്ങള്‍ സ്വന്തമാക്കിയ ഡബിള്‍സ് സഖ്യമാണ് ബ്രയാന്‍ സഹോദരന്‍മാര്‍. 24 വിജയങ്ങള്‍ അവര്‍ നേടിയപ്പോള്‍ അഞ്ചു മത്സരങ്ങള്‍ മാത്രമാണ് തോല്‍വി വഴങ്ങിയത്. 2007ല്‍ റഷ്യയെ കീഴടക്കി ഡേവിസ് കപ്പ് നേടിയ അമേരിക്കന്‍ ടീമില്‍ ഇരുവരും നിര്‍ണായക സാന്നിധ്യങ്ങളായിരുന്നു.