കാസര്‍കോട്: മൊഗ്രാല്‍ സ്‌പോര്‍ട്‌സ് ക്ലബ്, റോക്കി സ്‌പോര്‍ട്‌സ് ദുബായ്, ഇമാന്‍ ഇന്ത്യ എന്നിവയുടെ സംയുക്താഭിമുഖ്യത്തില്‍ സംഘടിപ്പിക്കുന്ന മൊഗ്രാല്‍ സൂപ്പര്‍ കപ്പ് സെവന്‍സ് ഫുട്‌ബോള്‍ ടൂര്‍ണമെന്റ് ഇന്ന് മുതല്‍ ഏഴുവരെ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
മൊഗ്രാല്‍ സ്‌കൂള്‍ മൈതാനിയില്‍ പ്രത്യേകം തയാറാക്കിയ ഫ്‌ളഡ്‌ലൈറ്റ് സ്‌റ്റേഡിയത്തില്‍ എല്ലാ ദിവസവും രാത്രി എട്ടിന് മത്സരങ്ങള്‍ നടക്കും. ലീഗ് അടിസ്ഥാനത്തില്‍ നടക്കുന്ന മത്സരത്തില്‍ ദിവസേന നാല് മത്സരങ്ങള്‍ നടക്കും. സമാപന ചടങ്ങില്‍ മൊഗ്രാല്‍ സ്‌പോര്‍ട്‌സ് ക്ലബിന്റെ പഴയകാല താരങ്ങളെ ആദരിക്കും. വാര്‍ത്താസമ്മേളനത്തില്‍ ക്ലബ് ഭാരവാഹികളായ അന്‍വര്‍ അഹമ്മദ്, ആസിഫ് ഇഖ്ബാല്‍, റിയാസ് മൊഗ്രാല്‍, കെ.പി മുഹമ്മദ്, സൈഫുദ്ദീന്‍, ഷരീഫ് ഗെല്ലി, ടി.എം നവാസ് സംബന്ധിച്ചു.