കയ്പംഗലം: കരടിവളവില്‍ വീട് കത്തിനശിച്ചു. പള്ളത്ത് കുമാരന്റെ ഓലമേഞ്ഞ വീടാണ് കത്തിനശിച്ചത്.
ഇന്നലെ രാവിലെ പതിനൊന്ന് മണിയോടെയായിരുന്നു സംഭവം. അടുപ്പില്‍ നിന്ന് തീ ആളിപ്പടരുകയായിരുന്നു. നാട്ടുകാര്‍ ഓടിക്കൂടി വെള്ളം പമ്പ് ചെയ്ത് തീയണക്കാന്‍ ശ്രമിച്ചെങ്കിലും വീട് പൂര്‍ണമായും കത്തിനശിക്കുകയായിരുന്നു.
വസ്ത്രങ്ങളും വീട്ടുപകരണങ്ങളും കത്തിയമര്‍ന്നു. സംഭവ സമയത്ത് വീട്ടില്‍ ആളുണ്ടായിരുന്നെങ്കിലും ഓടിരക്ഷപ്പെടുകയായിരുന്നു. സംഭവമറിഞ്ഞ് പഞ്ചായത്ത്, വില്ലേജ് അധികൃതര്‍ സ്ഥലെത്തി.