മലപ്പുറം: ജംഇയ്യത്തുല്‍ ഖുത്വബാഅ് ജില്ലാ കമ്മിറ്റിയുടെ നേതൃത്വത്തില്‍ അംഗത്വമെടുത്ത ഖത്വീബുമാര്‍ക്കു വേണ്ടിയുള്ള ഏകദിന പരിശീലന ക്യാംപ് ഇന്നു മഞ്ചേരി കാരക്കുന്ന് സിറാജുല്‍ ഉലൂം മദ്‌റസയില്‍ നടക്കും. രാവിലെ 10.30നു പാണക്കാട് സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത ജില്ലാ സെക്രട്ടറി പി. കുഞ്ഞാണി മുസ്‌ലിയാര്‍ ആമുഖ പ്രഭാഷണം നടത്തും. ജില്ലാ പ്രസിഡന്റ് ഇ.കെ കുഞ്ഞമ്മദ് മുസ്‌ലിയാര്‍ അധ്യക്ഷനാകും.
ആത്മീയ സെഷനില്‍ ആത്മീയതയിലെ ആത്മീയത എന്ന വിഷയം സമസ്ത കേന്ദ്ര മുശാവറാംഗം കെ. ഹൈദര്‍ ഫൈസി പനങ്ങാങ്ങര അവതരിപ്പിക്കും. സാമൂഹികം സെഷനില്‍ ഇടപെടലുകളുടെ മനഃശാസ്ത്രം നിസാം പാവറട്ടിയും പ്രാസ്ഥാനികം സെഷനില്‍ പ്രസ്ഥാനം, പ്രതിബദ്ധത എന്ന വിഷയം അബ്ദുസ്വമദ് പൂക്കോട്ടൂരും അവതരിപ്പിക്കും. കെ.എ റഹ്മാന്‍ ഫൈസി, യു. ശാഫി ഹാജി ചെമ്മാട് സംസാരിക്കും. സയ്യിദ് സ്വാലിഹ് തങ്ങള്‍ പ്രാര്‍ഥനയ്ക്കു നേതൃത്വം നല്‍കും.
സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി, അലി ഫൈസി കൊടുമുടി, എം.ടി അബൂബക്കര്‍ ദാരിമി, സി.എച്ച് ശരീഫ് ഹുദവി, യൂസുഫ് ഫൈസി മേല്‍മുറി, കെ.സി മുഹമ്മദ് ബാഖവി, എ.കെ ആലിപ്പറമ്പ്, ഇസ്മാഈല്‍ ഹുദവി, അസീസ് ബാഖവി ചെമ്പ്രശ്ശേരി, കുഞ്ഞാപ്പുട്ടി ഹാജി, ഹംസ റഹ്മാനി കൊണ്ടിപറമ്പ്, കെ.വി അബ്ദുര്‍റഹ്മാന്‍ ദാരിമി സംബന്ധിക്കും.