എടത്തനാട്ടുകര: പുതു വത്സരാഘോഷത്തിന്റെ ഭാഗമായി എടത്തനാട്ടുകര മൂച്ചിക്കല്‍ ഗവ.എല്‍.പി.സ്‌കൂള്‍ മന്ത്രിസഭയിലെ വിദ്യാഭ്യാസ വകുപ്പിനു കീഴില്‍ ആശംസാ കാര്‍ഡ് നിര്‍മാണ മത്സരം സംഘടിപ്പിച്ചു.
സ്‌കൂളിലെ പ്രീ പ്രൈമറി മുതല്‍ നാലാം ക്ലാസു വരെയുള്ള വിദ്യാര്‍ഥികള്‍ മത്സരത്തില്‍ പങ്കെടുത്തു. കുരുന്നുകള്‍ നിര്‍മിച്ച ആശംസാ കാര്‍ഡുകള്‍ സ്‌കൂള്‍ മന്ത്രിസഭയിലെ വിദ്യാഭ്യാസ വകുപ്പിനു കീഴിലുള്ള സ്‌കൂള്‍ പോസ്റ്റ് ഓഫിസ് വഴി അധ്യാപകര്‍ക്കും വിദ്യാര്‍ഥികള്‍ക്കും വിതരണം ചെയ്തു. മത്സരത്തില്‍ ഒന്നു മുതല്‍ മൂന്നു വരെ സ്ഥാനം നേടിയവര്‍ക്ക് സമ്മാനങ്ങള്‍ വിതരണം ചെയ്തു. പൂര്‍വവിദ്യാര്‍ഥികളും മത്സരത്തില്‍ പങ്കെടുത്തു. ടി.എം. ഓമനാമ്മ ഉദ്ഘാടനം ചെയ്തു. സി.കെ. ഹസീനാ മുംതാസ് അധ്യക്ഷയായി.
അധ്യാപകരായ പി. അബ്ദുസ്സലാം, എ. സീനത്ത്, കെ. രമാ ദേവി, പി. ജിഷ, ഇ. പ്രിയങ്ക, പി. പ്രിയ, ടി.പി. മുഫീദ, കെ. ഷീബ സ്‌കൂള്‍ മുഖ്യമന്ത്രി ദില്‍രാസ്, സ്‌കൂള്‍ ലീഡര്‍ പി. ജഹനറ ഫര്‍ഹത്ത്, വിദ്യാഭ്യാസ മന്ത്രിമാരായ ടി.എ. അലീന, കെ. അഞ്ജലി നേത്യത്വം നല്‍കി.