ഉദുമ: പാണക്കാട് സയ്യിദ് മുഹമ്മദലി ശിഹാബ് തങ്ങളുടെ സ്മരണക്കായി ഏര്‍പ്പെടുത്തിയ അഹ്‌ലാമു ശിഹാബ് ഗ്രാമീണ കുടിവെള്ള പദ്ധതി പൂര്‍ത്തിയായി. ഷാര്‍ജ കെ.എം.സി.സി ജില്ലാ കമ്മിറ്റി പള്ളിക്കര പഞ്ചായത്തിലെ ചെരുമ്പ തുണ്ടോളി കോളനിയില്‍ നടപ്പിലാക്കിയ കുടിവെള്ള പദ്ധതി ഈ മാസം അവസാന വാരത്തില്‍ ഉദ്ഘാടനം ചെയ്യും. കഴിഞ്ഞ വര്‍ഷം മെയ് മാസം മുന്‍ മന്ത്രി മഞ്ഞളാം കുഴി അലിയാണ് പദ്ധതിക്ക് തറക്കല്ലിട്ടത്. ഒരു വര്‍ഷം കൊണ്ടു തന്നെ നിര്‍മാണം പൂര്‍ത്തിയാക്കാനായി. ഒരു കുഴല്‍ കിണര്‍ കുഴിച്ച് പമ്പ് ഹൗസ് നിര്‍മിച്ച് 1500 ലിറ്റര്‍ ടാങ്ക് വഴി മുപ്പതു കുടുംബങ്ങള്‍ക്കാണ് ആദ്യ ഘട്ടത്തില്‍ കുടിവെള്ളം നല്‍കുന്നത്‌