ചെറുവത്തൂര്‍: സമസ്ത കേരള ഇസ് ലാം മത വിദ്യാഭ്യാസ ബോര്‍ഡിനു കീഴിലെ അല്‍ ബിര്‍റ് ഇസ് ലാമിക്ക് പ്രീ സ്‌കൂള്‍ ജില്ലാ കലോത്സവം കാടങ്കോട് സമാപിച്ചു. എട്ടുവിദ്യാലയങ്ങളില്‍ നിന്നുള്ള 136 കുട്ടികള്‍ ഫെസ്റ്റില്‍ പങ്കെടുത്തു. പി കരുണാകരന്‍ എം.പി ഉദ്ഘാടനം ചെയ്തു. കുട്ടികളുടെ കഴിവുകള്‍ പ്രോത്സാഹിപ്പിക്കാനുള്ള ശ്രമങ്ങളെ അദ്ദേഹം അഭിനന്ദിച്ചു.
കെംസ് അല്‍ബിര്‍റ് വിദ്യാര്‍ത്ഥികള്‍ തയാറാക്കിയ മാഗസിന്‍ പ്രകാശനവും അദ്ദേഹം നിര്‍വഹിച്ചു. കാടങ്കോട് കോട്ടപ്പള്ളി ഇംഗ്ലീഷ് മീഡിയം സ്‌കൂള്‍ (കെംസ് ) ആണ് ഫെസ്റ്റിന് വേദിയായയത്. മൂന്നര വയസിനും നാലര വയസിനും ഇടയില്‍ പ്രായമുള്ള കുട്ടികളുടെ കലാപ്രകടനങ്ങള്‍ ആസ്വദിക്കാന്‍ നിരവധിപേര്‍ എത്തി. അല്‍ബിര്‍റ് അക്കാദമിക്ക് കോഡിനേറ്റര്‍ ഇസ്മായീല്‍ മുജദ്ധിദി, സ്വഗത സംഘം രക്ഷാധികാരികളായ മുസ്തഫ അശ്‌റഫി കക്കുപ്പടി, സി മുനീര്‍, ശിയാസ് അഹമ്മദ് ഹുദവി , ഹാശിം തയ്യില്‍ , കെ അബ്ദുള്ള, ബി.എ ലത്തിഫ് ഹാജി,സക്കറിയ കാഞ്ഞങ്ങാട് , ശഫീഖ്, നാസര്‍, നാസര്‍ ഫൈസി പാവന്നൂര്‍ നേതൃത്വം നല്‍കി