കാളികാവ്: വണ്ടൂര്‍ കാളികാവ് റോഡില്‍ പള്ളിശ്ശേരിയില്‍ ഓട്ടോകള്‍ കൂട്ടിയിടിച്ച് നാലുപേര്‍ക്ക് പരുക്കേറ്റു. ഓട്ടോ ഡ്രൈവര്‍മാരായ പള്ളിശ്ശേരിയിലെ പറച്ചിക്കോടന്‍ കരീം, കാളികാവ് കല്ലംകുന്നിലെ അമ്പലപ്പുറവന്‍ മൂസക്കുട്ടി, യാത്രക്കാരായ വെന്തോടന്‍ പടിയിലെ ചോലശ്ശേരി ഹംസയുടെ ഭാര്യ പാത്തു, മകള്‍ റൈഹാനത്ത് എന്നിവര്‍ക്കാണ് പരുക്കേറ്റത്. ഇവരെ വണ്ടൂര്‍, മഞ്ചേരി,പെരിന്തല്‍മണ്ണ എന്നിവിടങ്ങളിലെ ആശുപത്രികളില്‍ പ്രവേശിപ്പിച്ചു.
ഇന്നലെ ഉച്ചയ്ക്ക് 12ന് ആയിരുന്നു സംഭവം. ഒരു ഓട്ടോറിക്ഷയുടെ മുന്‍ ചക്രത്തിന്റെ ഭാഗം ഊരിത്തെറിച്ച് നിയന്ത്രണം വിട്ട് എതിരെ വന്ന ഓട്ടോയിലിടിച്ചാണ് അപകടമുണ്ടായത്.
കാളികാവില്‍ രണ്ടുപേരുടെ മരണത്തിനിടയാക്കിയ ബസ് അപകടത്തിന് തൊട്ടു പിന്നാലെയാണ് സമീപ പ്രദേശമായ പള്ളിശ്ശേരിയില്‍ ഓട്ടോറിക്ഷകള്‍ കൂട്ടിയിച്ച് അപകടമുണ്ടായത്.