ചങ്ങരംകുളം: ചങ്ങരംകുളം കോക്കൂര്‍ പാണംപടിയില്‍ ബസും ബൈക്കും കൂട്ടിയിടിച്ച് മൂന്ന് പേര്‍ക്ക് പരുക്ക്. ചങ്ങരംകുളത്ത് നിന്നു ചാലിശ്ശേരിയിലേക്ക് പോകുകയായിരുന്ന മിനിബസും കോക്കൂരില്‍ നിന്നു ചാലിശ്ശേരി ഭാഗത്തേക്ക് പോകുകയായിരുന്ന ബൈക്കുമാണ് കൂട്ടിയിടിച്ചത്.
അപകടത്തില്‍ കോക്കൂര്‍ പാച്ചോട് വിജയന്റെ മകന്‍ അഭിഷേക്, മഠത്തുംപുറത്ത് ഉണ്ണികൃഷ്ണന്റെ മകന്‍ അനില്‍കുമാര്‍, പട്ടയത്ത് അറമുഖന്റെ മകന്‍ അബിന്‍ തുടങ്ങിയവര്‍ക്കാണ് പരുക്കേറ്റത്. ഗുരുതര പരുക്കേറ്റ അഭിഷേകിനെ കുന്നുംകുളത്തെ സ്വകാര്യാശുപത്രിയില്‍ പ്രവേശിപ്പിച്ചു. അപകടത്തെതുടര്‍ന്ന് നാട്ടുകാര്‍ തടിച്ച് കൂടിയതിനാല്‍ ചാലിശ്ശേരി ചങ്ങരംകുളം റോഡില്‍ ഗതാഗതം തടസ്സപ്പെട്ടു.പൊലിസ് നിര്‍ദ്ദേശമനുസരിച്ച് ട്രോമോകയര്‍ പ്രവര്‍ത്തകരെത്തിയാണ് ഗതാഗതം പുനസ്ഥാപിച്ചത്.