നെടുമ്പാശ്ശേരി: പാസ്‌പോര്‍ട്ടില്‍ കൃത്രിമം കാണിച്ച് വിദേശത്തേക്ക് പോകാനെത്തിയ സ്ത്രീ നെടുമ്പാശ്ശേരി വിമാനത്താവളത്തില്‍ എമിഗ്രേഷന്‍ വിഭാഗത്തിന്റെ പിടിയിലായി. ഇന്നലെ ഖത്തര്‍ എയര്‍വെയ്‌സ് വിമാനത്തില്‍ ദോഹയിലേക്ക് പോകാനെത്തിയ പള്ളുരുത്തി സ്വദേശി ബേബി ആന്റണി (61) യാണ് പിടിയിലായത്.
പാസ്‌പോര്‍ട്ടിലെ ജനന തീയതി 1954 എന്നത് 1970 എന്നാക്കി തിരുത്തിയാണ് വിദേശത്തേക്ക് പോകാന്‍ എത്തിയത്. എമിഗ്രേഷന്‍ വിഭാഗത്തിന്റെ പരിശോധനയില്‍ പാസ്‌പോര്‍ട്ടില്‍ കൃത്രിമം കാണിച്ചത് കണ്ടെത്തുകയായിരുന്നു. നെടുമ്പാശ്ശേരി പൊലിസിന് കൈമാറിയ പ്രതിയെ അങ്കമാലി കോടതിയില്‍ ഹാജരാക്കി.