കാവനൂര്‍: മജ്മഅ് 20ാം വാര്‍ഷിക, വാഫി-ഹിഫ്‌ള് സനദ്ദാന സമ്മേളനത്തിനു നാളെ വൈകിട്ട് ഏഴിനു കാവനൂര്‍ റഹ്മത്ത് നഗറില്‍ തുടക്കമാകും. വൈകിട്ട് 3.30നു പാണക്കാട് സയ്യിദ് ബഷീറലി ശിഹാബ് തങ്ങള്‍ പതാക ഉയര്‍ത്തും. തുടര്‍ന്നു ബഹുസര സൗഹൃദ സംഗമം പി.കെ ബഷീര്‍ എം.എല്‍.എ ഉദ്ഘാടനം ചെയ്യും. എം.പി അബ്ദുസ്സമദ് സമദാനി, താമരശ്ശേരി ബിഷപ്പ് മാര്‍ റെമിജിയോസ് ഇഞ്ചനാനിയല്‍, ഓണംപിള്ളി മുഹമ്മദ് ഫൈസി, എ. സജീവന്‍, സി.പി സൈതലവി സംബന്ധിക്കും.
രാത്രി ഏഴിനു സമ്മേളന ഉദ്ഘാടനം കോഴിക്കോട് വലിയ ഖാസി സയ്യിദ് നാസര്‍ അബ്ദുല്‍ ഹയ്യ് ശിഹാബ് തങ്ങളുടെ അധ്യക്ഷതയില്‍ സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും. കര്‍ണാടക ഭക്ഷ്യവകുപ്പ് മന്ത്രി യു.ടി ഖാദര്‍, ഹാഫിള് അഹ്മദ് കബീര്‍ ബാഖവി കാഞ്ഞാര്‍ സംസാരിക്കും. ആറിനു രാവിലെ ഒന്‍പതിനു മഹല്ല്-സംഘടനാ സാരഥി സംഗമം സയ്യിദ് റഷീദലി ശിഹാബ് തങ്ങള്‍, രണ്ടിനു വിദ്യാര്‍ഥി വിശ്വം സയ്യിദ് മുനവ്വറലി ശിഹാബ് തങ്ങള്‍, ഏഴിന് ആദര്‍ശ സമ്മേളനം സയ്യിദ് ഹമീദലി ശിഹാബ് തങ്ങള്‍ എന്നിവര്‍ ഉദ്ഘാടനം ചെയ്യും. ഏഴിനു രാവിലെ പത്തിനു മജ്മഅ് കുടുംബ സംഗമംസയ്യിദ് അബ്ബാസലി ശിഹാബ് തങ്ങള്‍, 12നു പ്രവാസി സംഗമം സയ്യിദ് സാദിഖലി ശിഹാബ് തങ്ങള്‍ എന്നിവര്‍ ഉദ്ഘാടനം ചെയ്യും. അത്തിപ്പറ്റ മൊയ്തീന്‍കുട്ടി മുസ്‌ലിയാര്‍ സ്ഥാനവസ്ത്ര വിതരണം നടത്തും. ഏഴിനു സമാപന സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സനദ് ദാനവും തങ്ങള്‍ നിര്‍വഹിക്കും.
സയ്യിദ് ബഷീറലി ശിഹാബ് തങ്ങള്‍ അധ്യക്ഷനാകും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ സനദ് ദാന പ്രഭാഷണവും ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ അനുഗ്രഹ പ്രഭാഷണവും നടത്തും. ഡോ. ഇസ്ഹാഖ് അബ്ദുല്‍ ആല്‍ അബ്ദുല്‍ അലി ഈജിപ്ത്, ഡോ. വലീദ് അബ്ദുല്‍ മുന്‍ഇം അസ്സഈദ്, ഈജിപ്ത്, എം.ഡി അബ്ദുല്‍ വഹാബ് ദത്ത്, മലേഷ്യ, ഉസ്മാന്‍ കായോഗ്‌ലു തുര്‍ക്കി അതിഥികളാകും.