ഒറ്റപ്പാലം: ഈസ്റ്റ് ഒറ്റപ്പാലം ജുമാമസ്ജിദില്‍ കയറി മോഷണം. ഈസ്റ്റ് ഒറ്റപ്പാലം സുബാത്തുല്‍ ഇസ്‌ലാം ജമാഅത്ത് മസ്ജിദില്‍ നിന്ന് ഇന്നലെ രാവിലെ ആറിനും എട്ടിനുമിടയില്‍ മൂവായിരം രൂപയും അമ്പതിനായിരം വിലപിടിപ്പുള്ള വാച്ചുമാണ് മോഷ്ടിക്കപ്പെട്ടത്.
മസ്ജിദില്‍ ജീവനക്കാര്‍ താമസിക്കുന്ന റൂമില്‍ നിന്നാണ് മോഷണം നടന്നത്. മോഷണം നടന്നതായി കണക്കാക്കുന്ന സമയത്ത് ഒരു അപരിചിതന്റെ ചിത്രം മസ്ജിദില്‍ സ്ഥാപിച്ച സി.സി.ടി വി ക്യാമറയില്‍ പതിഞ്ഞിട്ടുണ്ട്. ഒറ്റപ്പാലം പൊലിസ് അന്വേഷണം ആരംഭിച്ചു.