മുക്കം: ആനയാംകുന്ന് വയലില്‍ മോയി ഹാജി മെമ്മോറിയല്‍ ഹയര്‍ സെക്കന്‍ഡറി സ്‌കൂളില്‍ നിര്‍മിച്ച സ്മാര്‍ട്ട് റൂം കം സെമിനാര്‍ ഹാള്‍ പി.വി.അബ്ദുല്‍ വഹാബ് എം.പി ഉദ്ഘാടനം ചെയ്തു.  കാരശ്ശേരി പഞ്ചായത്ത് പ്രസിഡന്റ് വി.കെ വിനോദ് അധ്യക്ഷനായി. നിര്‍ധനരായ വിദ്യാര്‍ഥികള്‍ക്ക് കൈത്താങ്ങാവുന്ന 'എം പതി ഡ്രൈവ് ' സമര്‍പ്പണം മാനേജര്‍ വി.ഇ മോയിമോന്‍ ഹാജി നിര്‍വഹിച്ചു. ജില്ലാ പഞ്ചായത്ത് വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ മുക്കം മുഹമ്മദ്, ജില്ലാ പഞ്ചായത്ത് മെമ്പര്‍ സി.കെ ഖാസിം, ബ്ലോക്ക് പഞ്ചായത്ത് മെമ്പര്‍ വി.എന്‍ ശുഐബ്, പഞ്ചായത്ത് മെമ്പര്‍മാരായ രമ്യ കുവ്വപ്പാറ, പി.പി ശിഹാബുദ്ദീന്‍, പി.ടി.എ പ്രസിഡന്റ് പി.കെ ഷംസുദ്ദീന്‍, പി.പത്മാവതി, സിന്ധി ജോണ്‍, എ.പി മുരളീധരന്‍, തോമസ് മാത്യു, എം.ടി. സെയ്ദ് ഫസല്‍, വി. ഫസ്മിയ സംസാരിച്ചു.