കട്ടാങ്ങല്‍: മലയമ റെയ്ഞ്ച് എസ് കെ എസ് ബി വി റിപ്പബ്ലിക് ദിനത്തില്‍ ബാല ഇന്ത്യ തീര്‍ത്തു. ചെയര്‍മാന്‍ അസീസ് മുസ്‌ലിയാര്‍ മലയന്മ അധ്യക്ഷനായി. ബാവ ജീറാനി ഉദ്ഘാടനം ചെയ്തു. ലുക്മാനുല്‍ ഹക്കീം തങ്ങള്‍ പതാക ഉയര്‍ത്തി.
പരിപാടിയില്‍ സ്വാലിഹ്ഹുദവി,അബ്ദുള്ള ബാഖവി, അഷ്‌റഫ് ദാരിമി വയനാട്, അസീസ് സഖാഫി കള്ളന്‍തോട്, സുബൈര്‍ഹുദവി, അബ്ദുറഹിമാന്‍ മുസ്‌ലിയാര്‍,പിലാശ്ശേരി മുഹമ്മദ്ഹാജി, പി.കെ.സി മുഹമ്മദ് ഹാജി, ശാഫി അസ്ഹരി, ടി.ടി അബ്ദുള്ളഹാജി, മുഹമദ് പിലാശ്ശേരി സംസാരിച്ചു. ഷഫീഖ് വാഫി സ്വാഗതവും റംഷിദ് മുണ്ടോട് നന്ദിയുംപറഞ്ഞു.
മാവൂര്‍: ആയംകുളം ഹിദായത്തുസ്വിബ്‌യാന്‍ മദ്‌റസയുടെ ആഭിമുഖ്യത്തില്‍ നടത്തിയ ബാല ഇന്ത്യ ബ്ലോക്ക് പഞ്ചായത്ത് മെമ്പര്‍ രവികുമാര്‍ പനോളി ഉദ്ഘാടനം ചെയ്തു.
മദ്‌റസ പ്രസിഡന്റ് ബീരാന്‍ ഹാജി പതാക ഉയര്‍ത്തി. സ്വദര്‍ മുഅല്ലിം അബൂബക്കര്‍ വഹാബി അധ്യക്ഷനായി. സൈദ് അലവി മുസ്‌ലിയാര്‍ പ്രമേയ പ്രഭാഷണം നടത്തി. മദ്‌റസ സെക്രട്ടറി സലീം മാസ്റ്റര്‍, വാര്‍ഡ് മെമ്പര്‍ സുരേഷ്, എന്‍.പി അഹമ്മദ്, പള്ളിക്കോത്ത് ആലി, ആരിഫ് സംസാരിച്ചു.