കാസര്‍കോട്: തട്ടുകട നടത്തുന്നയാളെ മാരകായുധങ്ങളുമായി അക്രമിച്ച കേസില്‍ യുവാവ് അറസ്റ്റില്‍. കോയിപ്പാടി കെ.കെ പുറത്തെ മുനവ്വര്‍ കാസിം എന്ന മുന്ന(23)യെയാണ് കാസര്‍കോട് പൊലിസ് അറസ്റ്റ് ചെയ്തത്. ഈ മാസം ഒന്‍പതിനു രാത്രി പത്തോടെ കാസര്‍കോട് പുതിയ ബസ് സ്റ്റാന്‍ഡിനു സമീപത്ത് തട്ടുകട നടത്തുന്ന ഉളിയത്തടുക്ക സ്വദേശി ബി.എ മുഹമ്മദി(50)നെ അക്രമിച്ച സംഭവത്തിലാണു പ്രതിയെ പിടികൂടിയത്. മുന്ന നേരത്തെ കഞ്ചാവ് കടത്ത് കേസിലും നിരവധി അടിപിടി കേസുകളിലും പ്രതിയാണെന്നു പൊലിസ് പറഞ്ഞു.