ചെന്നൈ: സയ്യിദ് മുഷ്താഖ് അലി ടി20 ക്രിക്കറ്റ് ടൂര്‍ണമെന്റിലെ ആദ്യ പോരാട്ടത്തില്‍ കേരളത്തിനു തകര്‍പ്പന്‍ ജയം. ആന്ധ്രക്കെതിരേ കേരളം 21 റണ്‍സിനാണു വിജയിച്ചത്. ആദ്യം ബാറ്റു ചെയ്ത കേരളം നിശ്ചിത 20 ഓവറില്‍ ഏഴു വിക്കറ്റ് നഷ്ടത്തില്‍ 175 റണ്‍സെന്ന മികച്ച സ്‌കോര്‍ സ്വന്തമാക്കിയപ്പോള്‍ ആന്ധ്രയുടെ പോരാട്ടം 20 ഓവറില്‍ ഏഴു വിക്കറ്റ് നഷ്ടത്തില്‍ 154 റണ്‍സില്‍ അവസാനിച്ചു. കേരളത്തിനായി ബേസില്‍ തമ്പി മൂന്നും വിനോദ് കുമാര്‍ സന്ദീപ് വാര്യര്‍ എന്നിവര്‍ രണ്ടു വീതം വിക്കറ്റുകളും വീഴ്ത്തി. ആന്ധ്ര നിരയില്‍ 48 റണ്‍സെടുത്ത റിക്കി ഭുയിയാണു ടോപ് സ്‌കോറര്‍.
നേരത്തെ ആദ്യം ബാറ്റു ചെയ്ത കേരളം വിഷ്ണു വിനോദ് (63), സഞ്ജു സാംസണ്‍ (31), ജലജ് സക്‌സേന (22) എന്നിവരുടെ മികവിലാണു 275 റണ്‍സെടുത്തത്.