ആലപ്പുഴ : ചേര്‍ത്തല ചാരമംഗലം ഡി.ബി.എച്ച്.എസ്.എസില്‍ ഇന്നലെ നടന്ന ജില്ലാ മിനി കായിക മേളയില്‍ ആലപ്പുഴ ലിയോ അത്‌ലറ്റിക്ക് അക്കാദമി ചാംപ്യന്‍മാരായി. ഇന്നലെ രാവിലെ ഭക്ഷ്യ സിവില്‍ സപ്ലൈസ് മന്ത്രി പി തിലോത്തമന്‍ ഉദ്ഘാടനം ചെയ്ത മേളയില്‍ ജില്ലയിലെ വിവിധ സ്‌കൂളുകളില്‍ നിന്നുളള ആയിരത്തി അഞ്ചൂറോളം കായിത താരങ്ങള്‍ പങ്കെടുത്തു.
പന്ത്രണ്ട് വയസിനു താഴെ പ്രായമുളള ആണ്‍കുട്ടികളുടെയും പെണ്‍കുട്ടികളുടെയും വിഭാഗത്തില്‍ ലിയോ അക്കാദമിയാണ് ചാംപ്യന്‍മാര്‍.
ഓവറോള്‍ കിരീടവും അക്കാദമി നേടി. ആലപ്പുഴ ലിയോ തെര്‍ട്ടീന്ത് സ്‌കൂള്‍ കേന്ദ്രമാക്കി പഴയക്കാല ദേശിയ കായിക താരങ്ങള്‍ ചേര്‍ന്ന് രൂപീകരിച്ചതാണ് ലിയോ അത്‌ലറ്റിക്ക് അക്കാദമി. റിട്ട. കായിക അധ്യാപകും മുന്‍ ദേശീയ താരവുമായ സെബാസ്റ്റ്യന്‍ വര്‍ഗീസാണ് മുഖ്യ പരിശീലകന്‍. തികച്ചു സൗജന്യമായി പരിശീലനം നല്‍കുന്ന അക്കാദമിയില്‍ ഇപ്പോള്‍ സബ് ജുനീയര്‍, ജുനിയര്‍, സീനിയര്‍ വിഭാഗങ്ങളിലായി നൂറോളം താരങ്ങള്‍ പരിശീലനം നേടുന്നുണ്ട്.