മലപ്പുറം : കേരള ഹോട്ടല്‍ ആന്‍ഡ് റസ്‌റ്റോറന്റ് അസോസിയേഷന്‍ 40-ാം വാര്‍ഷികാഘോഷവും കുടുംബ സംഗമവും മലപ്പുറം റോസ് ലോഞ്ച് ഓഡിറ്റോറിയത്തില്‍ നടന്നു. കെ.എച്ച്.ആര്‍.എ ജില്ലാ പ്രസിഡന്റ് ഷൗക്കത്തലി അധ്യക്ഷനായി. നിയമസഭാ സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്തു.
ഹോട്ടല്‍ രംഗത്ത് 25 വര്‍ഷം പൂര്‍ത്തിയാക്കിയ ഹോട്ടല്‍ ഉടമകളെ എ.പി അനില്‍കുമാര്‍ എം.എല്‍.എ ആദരിച്ചു. സുവനീര്‍ പ്രകാശനം പി ഉബൈദുള്ള എം.എല്‍.എ നിര്‍വഹിച്ചു. ഓപ്പറേഷന്‍ മക്കാനി, വിശപ്പുരഹിത മലപ്പുറം, ചാരിറ്റി പ്രവര്‍ത്തനങ്ങള്‍ തുടങ്ങിയവയുടെ ഉദ്ഘാടനം കെ.എച്ച്.ആര്‍.എ സംസ്ഥാന പ്രസിഡന്റ് മൊയ്തീന്‍ കുട്ടി ഹാജി നിര്‍വഹിച്ചു. എക്‌സലന്റ് അവാര്‍ഡ് ജേതാക്കളെ നടന്‍ മാമുക്കോയ ആദരിച്ചു. കെ.എച്ച്.ആര്‍.എ സംസ്ഥാന ജനറല്‍ സെക്രട്ടറി ജയപാല്‍ മുഖ്യ പ്രഭാഷണം നടത്തി. നബില്‍ തൗഫീഖ്, ഹമീദ് ഡലീഷ്യ, നൗഷാദ് കളപ്പാടന്‍, സമദ്, പി.പി അബ്ദുറഹ്മാന്‍, മമ്മുണ്ണി മങ്കട, ശ്രീകുമാര്‍ തൃശൂര്‍, ജി.കെ പ്രകാശ് സ്വാമി, ബിജുലാല്‍, റോളക്‌സ് ബഷീര്‍ സംസാരിച്ചു.