തിരുവനന്തപുരം: പുതിയ അധ്യയന വര്‍ഷത്തേക്കുള്ള സംസ്ഥാന എന്‍ജിനിയറിങ് പ്രവേശന പരീക്ഷയ്ക്കുള്ള അപേക്ഷകള്‍ ക്ഷണിച്ചു. ഫെബ്രുവരി ഒന്നു മുതല്‍ 27 വരെ ഓണ്‍ലൈനായി അപേക്ഷകള്‍ സമര്‍പ്പിക്കാം. ഏപ്രില്‍ 24, 25 തിയ്യതികളിലാണ് പ്രവേശന പരീക്ഷ.

ദേശീയതലത്തില്‍ ഏകീകൃതമായി നീറ്റ് പരീക്ഷ നടത്തുന്നതിനാല്‍ മെഡിക്കല്‍ കോഴ്‌സുകള്‍ക്ക് ഇപ്രാവശ്യം സംസ്ഥാന പരീക്ഷയില്ല.

അപേക്ഷാ ഫീസില്‍ കഴിഞ്ഞവര്‍ഷത്തെ അപേക്ഷിച്ച് കുറവു വരുത്തിയിട്ടുണ്ട്. ജനറല്‍ കാറ്റഗറിയിലുള്ള വിദ്യാര്‍ഥികള്‍ക്ക് 800 രൂപയാണ് ഫീസ്.

കൂടുതല്‍ വിവരങ്ങള്‍ പ്രവേശന പരീക്ഷാ കമ്മിഷണറുടെ വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്. ലിങ്ക്:www.cee.kerala.gov.in