പരപ്പനങ്ങാടി: അറിവിന്റെ അഴിമുഖത്ത് അതിഥികളായി മലര്‍വാടി ബാലസംഘം. സംഘത്തിന്റെ തിരൂരങ്ങാടി ഏരിയാ കമ്മിറ്റി സംഘടിപ്പിച്ച 'കളിചിരിക്കൂട്ടം'  പരിപാടിയുടെ സമാപനമായാണ് കടലറിവുകള്‍ തേടി വിദ്യാര്‍ഥികള്‍ പരപ്പനങ്ങാടി കെട്ടുങ്ങല്‍ അഴിമുഖത്തെത്തിയത്.   കടലുണ്ടി പുഴയും അറബിക്കടലും ഒന്നിച്ചലിയുന്ന കെട്ടുങ്ങല്‍ അഴിമുഖത്തിന്റെ പ്രകൃതി ഭംഗിയായിരുന്നു കുട്ടികളെ ഏറെ ആസ്വാദിച്ചത്. മലര്‍വാടി ബാലസംഘം നേതാക്കളായ   നിദ കൊടിഞ്ഞി, റഷ പരപ്പനങ്ങാടി ,പി.നജാദ്, യാസീന്‍   തുടങ്ങിയവര്‍ നേതൃത്വം നല്‍കി.