ഗൂഡല്ലൂര്‍: വിദേശികളെത്തിയത് അധികൃതരെ അറിയിക്കാത്തതിനെ തുടര്‍ന്ന് തുറപ്പള്ളിയിലെ റിസോര്‍ട്ട് മാനേജറെ പൊലീസ് അറസ്റ്റു ചെയ്തു. സുന്ദരനെയാണ് മസിനഗുഡി സി.ഐ ശിവശങ്കരന്‍ അറസ്റ്റു ചെയ്തത്. ഉടമ ബാലമുരുകന്റെ പേരില്‍ കേസെടുത്തിട്ടുണ്ട്. വിദേശികള്‍ റിസോര്‍ട്ടിലോ ലോഡ്ജിലോ താമസിക്കാനെത്തിയാല്‍ സമീപത്തെ പൊലീസ് സ്റ്റേഷനില്‍ വിവരം അറിയിക്കണമെന്ന് നിര്‍ദേശം നല്‍കിയിരുന്നു. ഈ നിര്‍ദേശം പാലിക്കാത്തതാണ് ഇവര്‍ക്കെതിരേ കേസെടുക്കാന്‍ കാരണം. നെതര്‍ലാന്‍ഡ് സ്വദേശികളായ മൂന്നു പേര്‍ ഈ റിസോര്‍ട്ടില്‍ താമസിക്കാനെത്തിയിരുന്നു. പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് നടപടി.