ആലപ്പുഴ: എയ്ഡഡ് ഹയര്‍സെക്കന്‍ഡറി ടീച്ചേഴ്‌സ് അസോസിയേഷന്‍ സംസ്ഥാന സമ്മേളനത്തിന് ആലപ്പുഴയില്‍ നാളെ തുടക്കമാകും. സമ്മേളനം നാലിന് സമാപിക്കുമെന്ന് സ്വാഗതസംഘം ചെയര്‍മാന്‍ അഡ്വ. എം ലിജു, ജനറല്‍ കണ്‍വീനര്‍ എസ് മനോജ് ,വൈസ്‌ചെയര്‍മാന്‍ ശൂരനാട് രാധാകൃഷ്ണന്‍ എന്നിവര്‍ വാര്‍ത്താ സമ്മേളനത്തില്‍ അറിയിച്ചു.
രാവിലെ 10ന് സംസ്ഥാന പ്രസിഡന്റ് ടി പ്രസന്നകുമാര്‍ പതാക ഉയര്‍ത്തും. ആലപ്പുഴ കാര്‍മല്‍ സദന്‍ ആഡിറ്റോറിയത്തില്‍ വൈകുന്നേരം 4ന് നടക്കുന്ന സമ്പൂര്‍ണ്ണ സംസ്ഥാന കൗണ്‍സില്‍ മുന്‍മുഖ്യമന്ത്രി ഉമ്മന്‍ചാണ്ടി ഉദ്ഘാടനം ചെയ്യും. സംസ്ഥാന പ്രസിഡന്റ് ടി പ്രസന്നകുമാര്‍ അധ്യക്ഷനായിരിക്കും. യു ഡി എഫ് ജില്ലാ കണ്‍വീനര്‍ എം മുരളി മുഖ്യപ്രഭാഷണം നടത്തും. വിചാര്‍വിഭാഗ് സംസ്ഥാന ചെയര്‍മാന്‍ ഡോ. നെടുമുടി ഹരികുമാര്‍, യൂത്ത് കോണ്‍ഗ്രസ് ജില്ലാ പ്രസിഡന്റ് എസ് ദീപു, എന്‍ എസ് യു ദേശീയ ജനറല്‍ സെക്രട്ടറി എസ് ശരത് തുടങ്ങിയവര്‍ പ്രസംഗിക്കും. മൂന്നിന് രാവിലെ 10ന് നടക്കുന്ന സമ്മേളനം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. കെ സി വേണുഗോപാല്‍ എം പി, ഡി സി സി പ്രസിഡന്റ് അഡ്വ. എം ലിജു, കെ പി സി സി ജനറല്‍ സെക്രട്ടറി അഡ്വ. ബി ബാബുപ്രസാദ്, എ എ ഷുക്കൂര്‍ തുടങ്ങിയവര്‍ പ്രസംഗിക്കും. രാവിലെ 11ന് നടക്കുന്ന പ്രതിനിധി സമ്മേളനം കെ പി സി സി പ്രസിഡന്റ് വി എം സുധീരന്‍ ഉദ്ഘാടനം ചെയ്യും. സംസ്ഥാന വൈസ്പ്രസിഡന്റ് ഷാജി പൂതൂര്‍ അധ്യക്ഷത വഹിക്കും ഉച്ചയ്ക്ക് 12ന് നടക്കുന്ന വിദ്യാഭ്യാസ സമ്മേളനം കെ പി സി സി ജനറല്‍ സെക്രട്ടറി പി സി വിഷ്ണുനാഥ് ഉദ്ഘാടനം ചെയ്യും.
പുതിയഭാരവാഹികളെ തെരഞ്ഞെടുക്കല്‍. പത്രസമ്മേളനത്തില്‍ എ എച്ച് എസ് ടി എ ജില്ലാ പ്രസിഡന്റ് ആര്‍ സാം, ജില്ലാ ജനറല്‍ സെക്രട്ടറി അജു പി ബഞ്ചമിന്‍, ട്രഷറര്‍ എം എ സിദ്ധിക്ക് എന്നിവരും പങ്കെടുത്തു.