വൈക്കം: നീര്‍പ്പാറ ഹയര്‍ സെക്കന്ററി ബധിരവിദ്യാലയത്തിന്റെ സുവര്‍ണജൂബിലി ആഘോഷത്തിന് നാളെ തുടക്കമാവും. നാളെ ഉച്ചയ്ക്ക് 2 മണിക്ക് സുവര്‍ണ ജൂബിലി ഉദ്ഘാടനവും സ്‌കൂള്‍ വാര്‍ഷികവും പൂര്‍വ്വ അധ്യാപക-വിദ്യാര്‍ത്ഥി സംഗമവും നടക്കും. ആഘോഷ പരിപാടികളുടെ ഉദ്ഘാടനവും പ്രധാന അധ്യാപകരെ ആദരിക്കലും എറണാകുളം-അങ്കമാലി അതിരൂപത സഹായ മെത്രാന്‍ മാര്‍ ജോസ് പുത്തന്‍വീട്ടില്‍ നിര്‍വ്വഹിക്കും. വൈക്കം എം.എല്‍.എ സി.കെ ആശ അധ്യക്ഷത വഹിക്കും. കേരള ഹൈക്കോടതി ജസ്റ്റിസ് കെ എബ്രഹാം മാത്യു മുഖ്യപ്രഭാഷണം നടത്തും. പ്രിന്‍സിപ്പല്‍ സി ഹെലന്‍ ജോസഫ് വടാശ്ശേരി റിപ്പോര്‍ട്ട് അവതരിപ്പിക്കും.