തിരുവനന്തപുരം: കെട്ടിടത്തില്‍ നിന്നു ചാടി പരുക്കേറ്റ് ചികിത്സയില്‍ കഴിയുന്ന ഏവിയേഷന്‍ വിദ്യാര്‍ഥിനിക്ക് ചികിത്സാസഹായം അനുവദിച്ച് സര്‍ക്കാര്‍ ഉത്തരവായി. ശാസ്തമംഗലം പുല്ലേക്കോണം തുണ്ടുതുടത്തില്‍ വീട്ടില്‍ ആതിരയ്ക്കാണ് നാലു ലക്ഷം രൂപ അനുവദിച്ചത്. തമ്പാനൂര്‍ ഐ.പി.എം.എസ് ഏവിയേഷന്‍ കോളജിലെ വിദ്യാര്‍ഥിനിയായ ആതിര കഴിഞ്ഞ നവംബര്‍ 30നാണ് കരിപ്പൂര്‍ എയര്‍പോര്‍ട്ടിനടുത്തുള്ള ലോഡ്ജിന്റെ മൂന്നാം നിലയില്‍നിന്ന് താഴേയ്ക്ക് ചാടിയത്.