തിരുവനന്തപുരം: വെള്ളാപ്പള്ളി നടേശന്‍ ജനങ്ങള്‍ക്കിടയില്‍ സ്വയം പരിഹാസ്യനായി മാറിയിരിക്കുകയാണെന്ന് വി.എം സുധീരന്‍. വെള്ളാപ്പള്ളിയുടെ അഭിപ്രായങ്ങള്‍ അദ്ദേഹത്തിന്റെ നിലവാരത്തിന്റെയും സംസ്‌കാരത്തിന്റെയും പ്രതിഫലനമാണ്.
കോഴിക്കോട്ട് മാന്‍ഹോളില്‍ കുടുങ്ങിപ്പോയ ഇതര സംസ്ഥാന തൊഴിലാളികളെ രക്ഷിക്കാനുള്ള ശ്രമത്തിനിടെ ജീവന്‍ നഷ്ടപ്പെട്ട ഓട്ടോ ഡ്രൈവര്‍ നൗഷാദിനെ മനുഷ്യസ്‌നേഹത്തിന്റെ പ്രതീകമായിട്ടാണ് എല്ലാവരും കണ്ടത്. എന്നാല്‍, നൗഷാദിന്റെ കുടുംബത്തിനു സഹായം പ്രഖ്യാപിച്ച സര്‍ക്കാര്‍ നടപടിയെ ആക്ഷേപിക്കാനും വര്‍ഗീയവല്‍കരിക്കാനുമാണ് വെള്ളാപ്പള്ളി ശ്രമിച്ചത്. ഇതു നിയമവിരുദ്ധമായതിനാല്‍ അദ്ദേഹത്തിന്റെപേരില്‍ കേസെടുക്കണമെന്ന് അഭ്യര്‍ഥിച്ച് അന്നത്തെ ആഭ്യന്തര മന്ത്രിക്കു പരാതി നല്‍കിയത് ശരിയായ നടപടിയാണെന്ന് ഇന്നും ഉറച്ചുവിശ്വസിക്കുന്നതായി അദ്ദേഹം ഫേസ്ബുക്കില്‍ കുറിച്ചു.