ഭുവനേശ്വര്‍: ഒഡിഷയില്‍ പൊലിസ് വാഹനം ബോംബ് സ്‌ഫോടനത്തില്‍ തകര്‍ന്നു. നാലു പൊലിസുകാര്‍ കൊല്ലപ്പെട്ടു. മാവോയിസ്റ്റ് ആക്രമണത്തിലാണ് പൊലിസുകാര്‍ കൊല്ലപ്പെട്ടത്. രാപുത് ജില്ലയിലെ സുന്‍കി ഹില്ലിലായിരുന്നു സംഭവം. സ്‌ഫോടനത്തില്‍ നിരവധി പൊലിസുകാര്‍ക്ക് പരുക്കേറ്റു.
മാവോയിസ്റ്റുകള്‍ റോഡില്‍ സ്ഥാപിച്ച കുഴിബോംബ് പൊട്ടിത്തെറിക്കുകയായിരുന്നു. ഭുവനേശ്വറില്‍ പരിശീലനത്തിനായി പോകുകയായിരുന്നു പൊലിസുകാര്‍. ഇവര്‍ സഞ്ചരിച്ച മിനിബസില്‍ 12 പൊലിസുകാരും ഒരു സിവിലിയനുമാണ് ഉണ്ടായിരുന്നത്. സ്‌ഫോടനം നടന്ന സ്ഥലത്ത് ഏഴടി താഴ്ച്ചയില്‍ ഗര്‍ത്തം രൂപപ്പെട്ടു.