മട്ടാഞ്ചേരി: ഫ്യൂച്ചര്‍ കിംഗ്‌സ് പള്ളുരുത്തിയുടെ ആഭിമുഖ്യത്തില്‍ കച്ചേരിപ്പടി മൈതാനിയില്‍ നടന്ന ഫൈവ്‌സ് ഫുട്‌ബോള്‍ ടൂര്‍ണമെന്റില്‍ യുവ പാലാരിവട്ടം ചാമ്പ്യന്‍മാരായി.
കലാശകളിയില്‍ ഫ്രണ്ട്‌സ് എറണാകുളത്തിനെ മറുപടിയില്ലാത്ത മൂന്ന് ഗോളുകള്‍ക്കാണ് പരാജയപ്പെടുത്തിയത്. ഫ്രണ്ട്‌സ് എറണാകുളത്തിന്റെ സക്കരിയയെ മികച്ച കളിക്കാരനായി തെരഞ്ഞെടുത്തു.
സമ്മാനദാന ചടങ്ങ് ഡിവിഷന്‍ കൗണ്‍സിലര്‍ തമ്പി സുബ്രഹ്മണ്യന്‍ ഉദ്ഘാടനം ചെയ്തു.
പി.രാജേഷ് അധ്യക്ഷത വഹിച്ചു. കൗണ്‍സിലര്‍ ടി.കെ ഷംസുദ്ധീന്‍ വിജയികള്‍ക്കുള്ള സമ്മാനദാനം നിര്‍വഹിച്ചു.ഫുട്‌ബോള്‍ പരിശീലകരായ റൂഫസ് ഡിസൂസ, ടി.എ ജാഫര്‍ എന്നിവരെ ചടങ്ങില്‍ ആദരിച്ചു.
അന്തര്‍ ദേശീയ ഗുസ്തി റഫറി  എം.എം സലീം, കബീര്‍, സുന്ദരന്‍, സുധീര്‍ യൂസഫ്, എം.എ അനീഷ്, എം.യു നൗഫല്‍, ലത്തീഫ് എന്നിവര്‍ സംസാരിച്ചു.